History of Interior Design

1. Stone Age /6500-5700 BC/

Анхны гэсэн интерьерийн гоёл чимэглэлийн зарим зүйлүүд жишээлбэл: ханын зургууд, шавар шохойн хөөмөл дүрсүүд, амьтны толгой, сандал, тулгуур баганууд нь чулуун зэвсгийн үед хамаарагдах Туркийн Катал Хуюукт байдаг байна.

2. Egyptian /2700 BC-30 BC/

 Агуу том архитектурын үүслийг пирамидийн үеийн эртний хүмүүсээс эхлэлтэй гэдэг. Энэ үед үхлийн аймшигтай , шавар овоохойгоос интерьер дизайны зарим нэгийг харж болно. Үүнд: амьтны арьс болон нэхмэлүүд, ваар, лонх, уран барималууд, ханын зургуудаар чимэглэгдсэн байдаг.

3. Neolithic Europe /2000 BC/

Чулуун зэвсгийн үед хүний геометрийн дүрслэл, мэдрэмжийг хөгжүүлэхэд тусалсан. Энэ үе бас орчин үеийн дизайнд чухал хэмнэл, эмх цэгц, зүй тогтолыг өгсөн.

4. Greek Design /1200-31 BC/

 Грекчүүд  чулуун хөөмөл дүрсүүд, уран барималуудаараа өнөөгийн орчин үеийн загварыг бий болгоход ихээхэн хувь нэмэр оруулсан. Грекийн хэв маяг нь тэнцвэрт харьцааг чухалчлан, өндөр баганууд дээр хавтгай дээврийг загвар болгосон байдаг.

5. Roman Design /753 BC-480 AD/

Эртний Ромын хэв маяг нь Грек, Етрусканы бүрэлдэхүүн хэсгүүдийг хослуулсан байдаг. Энэ үед бетонон барилгын аргачлалтай муруй арк, тойрог сүм хийдүүдийн шинэ үеийг бий болгосон.

6 .Byzantine Design /500-1500 AD/

Византийн хэв маягийг одоо цагт хүртэл дугариг оройтой байшинд оруулсан хувь нэмрээр нь сайн мэддэг. Сүмийн архитектор, бэлэг тэмдгийн дүрс нь бусдаас илүү үнэ цэнэтэй хувь нэмэр болсон.

7. Gothic Design /1140-1400 AD/

Готик хэв маяг нь эгц босоо, шовх үзүүртэй, өргөн шилэн болон гантиг чулуун нүүртэй эктерьер зэргээрээ сайн танигдсан. Энэ нь Европын олон сүм дугана, ордон, цайз, харшуудаараа илүү танигдсан. Шохойн чулуу, элсэн чулуу, Пурбек гантиг зэргийг уран барималын гоёл чимэглэлийг архитектурын хэв шинжид гол төлөв ашигладаг байсан.

8. Renaissance /1400-1600 AD/

Энэ үед загварчлалын жижиг хэсгүүдийг эмх цэгцтэй, тэгш хэмийн үзлээр архитектурт тусгасан байдаг. Сэргэн мандалтын үед интерьерүүд нь хоорондоо утга зохиолоор холбогдож төлөвлөгдсөн байх ба гоёл чимэглэлийн зүйлс болон дэс дараалан зурагдсан луу, бэлэг тэмдэг агуулсан уран барималын дүрсүүдээр ханыг бүрхсэн байх нь түгээмэл.

9. Baroque /1600-1700 AD/

 Онцгойлон нягт нямбай зассан хана, таазны чимэглэл, түүн дээрх гурван хэмжээст элементүүд зэргийг Бароккогийн хэв маягаас харж болно. Ханан дээр уран сайхны зохиомжоор дүрслэгдсэн хөдөлгөөнүүд түүнээс гадна хайрын орон зайг дүрсэлсэн байдаг. 

10. Traditional Design /1700's - Present/

 Уламжлалт хэв маяг нь нёоклассик болон георгий /1714-1880/ үеэс хөгжиж эхэлсэн. Энэ үед  эртний эдлэлэн чимэглэл, гүн өнгө, тэгш хэмт өрөөний зохион байгуулалтыг чухалчилдаг. 

11. Neoclassical Style /1780-1880 AD/

Эртний Ром, Грекийн сонгодог хэв маягийн нөлөө Неоклассик-т шингэсэн хэдий ч геометрийн шулуун шинж чанарыг бас үлдээсэн. Сийлбэр, бармал нь алтадсан хэв шинжтэйгээс гадна улаан зандан модон эдлэл, хөшиг нь энэ үеийн илэрхийлж болж чаддаг. 

12. Tropical /1800's - Present/

Өдөр тутмын далайн эргийн стил нь далайн эргийн амьдралын нөлөөллөөр бий болсон. Мод, хулс, далайн өвс, торго, хөвөн даавуу, дал мод , хайрга чулуун байгуулалт нь энэ хэв маягт багтдаг.

13. Victorian /1837-1850/

Аж үйлдвэрийн хувьсал гоёл чимэглэлийг үйлдвэрлэхэд илүү амар болсон нь дизайнд өргөн ашиглах нөхцлийг бүрдүүлсэн. Шовх арк нь энэ төрлийн дизайныг өмнөх үеэс ялгаатай болгож өгсөн. Энэ хөгжингүй стильд Эклэктик гэсэн нэр томъёо хэрэглэгдэх болсон.

14. Tucsan /1840's - Present

 Ромын архитектур, дизайны нөлөөгөөр Тусан стильд гантиг чулуу, орон нутгийн тоосго, шатаамал хөрс,  мод, даавуу зэргийг ашигладаг. Эдгээр материал нь тансаг бөгөөд тав түхтай орчинг бүрдүүлж байдаг.

15. Arts & Crafts /1860-1890/

Аж үйлдвэрийн хувьсгалын нөлөөгөөр маш энгийн, чанартай гэсэн хандлага газар авсан. Олон тоогоор машинаар хийсэн эд зүйлсээс илүүтэй гараар урласан бүтээгдэхүүнийг илүүд үзэх болсон.

16. Rustic /1870's - Present/

 Растик буюу Пионор стиль нь орон нутагт амьдрахаар шилжин ирэгсдийн хэрэгцээгээр үүссэн. Цэлгэр өрөөнд байгаа гуйлан торх, том дүнзэн багана нуруу, гараар урласан эртний сандал, арьсан буйдан, модон ширээ нь Растик хэв шинжийг санагдуулдаг. 

17. Modern Asian /1900's - Present/

Зохицлыг нь тааруулан байгалийн материалуудаар чимэглэхдээ гэрэлтдэг ханын цаас, шалыг нь гудсаар бүрхдэг. Хятадууд тод өнгийн чимэглэлээр чимж, тавилга ихтэй байдаг бол японы уламжлал нь маш бага тавилга, чимэглэлтэй байдаг.

18. Eclectic /1900's - Present/

Эклетик дизайн нь бүх төрлийн, бүх үеийн стилийг олон төрлийн өнгө, хэлбэр дүрс, материалаар нэгтгэн хэрэгжүүлдэг.

19. Colonial Revival /1905's - Present/

Колончлолын үеийн Европчуудын нөлөөлсөн загвар өнөөдөр ч АНУ зүүн эргээр харагддаг. Гол зүйл нь тэгш хэм бөгөөд сонгодог хэв шинжийн багана, хаалганы багана болон тансаг хэрэглэгдэхүүнээр харуулдаг. Интерьерт Гердианы нөлөөгөөр модон панел, чимэглэсэн наадаг тааз, Чипендаль стилийн тавилгууд байдаг.

20. Modern /1918-1950/

Орчин үеийн дизайны хөдөлгөөн нь уламжлалт дизайныг одоогийн дизайны шийдэлд хүргэсэн. Шинэ тоног төхөөрөмжийн нөлөөгөөр үйлдлийг хэлбэр дагана гэдэгт итгүүлж шаардлагагүй чимэглэлийг халсан. Төв өнгө, пластик, сайжруулсан мод, хиймэл шилийг энэ хэв маягт ашигладаг болсон.

21. Country /1920-1970's/

Энгийн, амьдралд хэрэгтэй бүхнийг багтаасан стилийг америкийн фермерүүд европ болон дэлхий даяар дэлгэрүүлж чадсан. Энэ бол бүх хэрэгцээтэй хэрэглэгдэхүүн, уламжлалт эдлэл, чимэглэлийг хослуулсан дизайн бөгөөд өөрийн түүхийг төгс бус байдлаараа хүүрнэх болно.

22. Art Deco /1920-1960's/

Модернист хөдөлгөөний эх гэдгээрээ алдартай дизайн бөгөөд Грек, Ром, Египтийн стилээр хэлбэржсэн шулуун шугам, геометрийн дүрс их ашигладгаараа алдартай. Түгээмэл чимэглэлүүдэд гурвалжин, зиг заг, цацраг хэлбэрүүд байдаг бол түгээмэл ашигладаг материалуудад ойдог, гэрэлтдэг гадаргуу, хөнгөн цагаан, ган, өнгөлгөөний металууд багтдаг.

23. Mediterranean /1920's - Present/

Энгийн хэв загвар болон далайн загварыг хослуулсан энэ загвар нь газар дундын тэнгисийг тойрсон орнууд болон Спани, Франц, Итали, Грек гэх орнууд мөн Калифорниа зэргээр харагддаг / Напа стиль/. Энэ загвар нь байгалийн ерөнхий байдал, эргийн уур амьсгалдаа зохицуулан байгалийн чулуу, шаатаасан хөрс, стако болон гипсэн ханыг ашигладаг.

24. Scandinavian Modern /1930's - Present/

Гэгээтэй, уужим зайтай, хэрэгцээтэй бүхэн багтсан энгийн дизайн. Энэ дизайн нь хурц өнцөггүй, шулуун шугамууд, гэгээтэй байдлаараа орчин үеийн Швед стилийг илэрхийлдэг. 

25. Transitional /1950's - Present/

Уламжлалт, орчин үеийн дизайныг хослуулсан уг загвар нь сонгодог тавилгыг орчин үеийн материалуудаар зохицолдуулан энгийн засалтай байдгаараа онцлог.

26. Contemporary /1980's - Present/

Орчин үеийн дизайн нь цэвэр цэмцгэр байдал, хурц биш шугамууд, цомхон тавилга, өөгүй харагддаг чимэглэлтэй байдаг. Дундын саарал өнгө, ган, модон тавилгууд түгээмэл ашигладаг. 

Мэдээллийн эх сурвалж :  DesignShuffle.com